Halla Tómasdóttir
| Halla Tómasdóttir | |||
 | |||
| Fødd | 11. oktober 1968 (56 år) Reykjavík | ||
|---|---|---|---|
| Statsborgar av | Island | ||
| Parti | partilaus | ||
| Yrke | politikar, forretningsdrivande | ||
| Utdanna ved | Auburn University at Montgomery Thunderbird School of Global Management | ||
| Alle verv |
| ||
Halla Tómasdóttir (fødd 11. oktober 1968) er ei islandsk forretningskvinne og politikar som blei president på Island den 1. august 2024.
Liv og virke
[endre | endre wikiteksten]Halla Tómasdóttir vart fødd i Reykjavík,[1] og vaks opp i Kópavogur.[2] Ho budde i USA i ti år, der ho jobba for blant anna Mars og PepsiCo-selskapa, og i nesten to år i Storbritannia og Danmark.[3]
Tómasdóttir har ein MBA frå Thunderbird School of Global Management[3] i Glendale[4] i Arizona.
Næringsliv
[endre | endre wikiteksten]I 1998 var Halla Tómasdóttir med på å etablere det private Reykjavík Universitet.
Frå 2006 til 2007 var Tómasdóttir generaldirektør for det islandske handelskammeret Viðskiptaráð Íslands.[3][5]
I 2007 grunnla Tómasdóttir,[6] saman med bankieren Kristín Pétursdóttir, finans- og investmentselskapet Audur Capital (Auður Capital), som presenterte seg som eit selskap som førte «kvinnelege verdiar» inn i finanssektoren, og investerte i berekraftige prosjekt.[5] Etter utbrotet av den islandske finanskrisa (2008–2011) var Audur Capital eit av få selskap i islandsk finanssektor som gjekk med gevinst.[5] I 2009 mottok Halla Tómasdóttir og Kristín Pétursdóttir utmerkinga Cartier Women's Initiative Award for prosjektet sitt.[7] I 2014 fusjonerte Audur Capital med Virðing.[8]
Tómasdóttir er direktør i The B Team, som er ei verdsomspennande, non profit-gruppe av næringslivsleiarar som jobbar for meir menneskefokuserte og klimavennlege forretningsmodellar.[9]
Politikk
[endre | endre wikiteksten]I 2016 stilte Tómasdóttir til val under presidentvalet på Island, der Guðni Th. Jóhannesson vann.[10] Tómasdóttir fekk den gongen nest flest røyster.[11]
Den 1. juni 2024 vann Tómasdóttir presidentvalet på Island med 34 % av røystene. Nokre av hovudsakene i valkampen hennar var påverknaden sosiale medium har på den mentale helsa til unge menneske, utviklinga av turisme på Island og kva for ei rolle kunstig intelligens skal ha.[12]
Tómasdóttir er den andre kvinnelege islandske presidenten, etter Vigdís Finnbogadóttir.
Privatliv
[endre | endre wikiteksten]Tómasdóttir er gift med Björn Skulason (f. 1973). Dei har to barn saman.[13]
Kjelder
[endre | endre wikiteksten]- ↑ «Halla Tomasdottir» (på engelsk). Nettstaden til Islands president. Henta 15. mars 2025.
- ↑ «About Halla» (på engelsk). Halla Tómasdóttir. Arkivert frå originalen 26. mai 2016. Henta 5. juni 2016.
- ↑ 3,0 3,1 3,2 Halla Tómasdóttir. «Ferilskrá (Lebenslauf)» (PDF) (på islandsk). Arkivert frå originalen (PDF) 9. juni 2016. Henta 5. juni 2016.
- ↑ Ikkjeraud lenkje som bør gjerast om til vanleg lenkje.
- ↑ 5,0 5,1 5,2 Manfred Ertel (22. april 2009). «Island-Krise: Frauen greifen nach der Macht». Spiegel Online. Henta 9. juni 2016.
- ↑ «Halla ætlar að bjóða sig fram». Morgunblaðið (på islandsk). 17. mars 2016. Arkivert frå originalen 19. mars 2016. Henta 31. mars 2016.
- ↑ «Halla Tómasdóttir & Kristin Pétursdóttir: Audur Capital, Iceland» (på engelsk). Cartier Women's Initiative Awards. 2009. Arkivert frå originalen 9. juni 2016. Henta 9. juni 2016.
- ↑ «About Virðing» (på engelsk). Virðing. Arkivert frå originalen 9. juni 2016. Henta 9. juni 2016.
- ↑ «Businesswoman Tomasdottir becomes Iceland's next president». France 24 (på engelsk). 2. juni 2024. Arkivert frå originalen 3. juni 2024. Henta 3. juni 2024.
- ↑ «New presidential candidate emerges in Iceland». Morgunblaðið (Iceland). 28. juni 2016. Arkivert frå originalen 21. juni 2016. Henta 28. juni 2016.
- ↑ «Guðni Jóhannesson wins Iceland's presidential election». The Guardian. Agence France-Presse. 26. juni 2016. Arkivert frå originalen 3. juni 2024. Henta 28. juni 2017.
- ↑ «Businesswoman Halla Tomasdottir set to become Iceland's next president». Al Jazeera. Arkivert frå originalen 2. juni 2024. Henta 2. juni 2024.
- ↑ «Halla átti kærasta þegar þau Björn hittust fyrst» (på islandsk). mbl.is. 22. mars 2024. Arkivert frå originalen 5. april 2024. Henta 2. juni 2024.
- Denne artikkelen bygger på «Halla Tómasdóttir» frå Wikipedia på bokmål, den 15. mars 2025.
Bakgrunnsstoff
[endre | endre wikiteksten]
|  | |