Handball-NM 1979/80 for kvinner
Noregsmeisterskapen i handball 1979/80 for kvinner vart vunne av Skogn Idrettslag etter finalesiger 11-9 over Nordstrand Idrettsforening.
Semifinalane[endre | endre wikiteksten]
- Nordstrand IF – Bækkelaget SK 15 – 13 etter ekstraomgangar
- Skogn IL – IL Vestar 16 – 13
Finalen[endre | endre wikiteksten]
Finalen vart avvikla i Nordstrandshallen i Oslo 23. mars 1980 framfor ca 1 500 tilskodarar. Skogn leia 5-3 ved pause. I den andre omgangen makta Nordstrand å utlikne til 9-9, før laget frå Levanger avgjorde med kampens to siste mål og det stod 11-9 på måltavla.
Marit Breivik Løkeberg vart toppskårar for Skogn med sine 5 nettkjenningar. Sissel Brenne Buchholdt skåra 3 mål, medan Inger Sundal, Randi Eriksen, Gerd Bjørnaas skåra kvar sitt mål.
Nordstrand sine målskårarar var Anita Taring (3), Heidi Sundal og Kari Brekke, begge 2 mål, Nina Andersen og Eva Aasgaard kvar sitt mål.
Roar Forbord og Reidar Isachsen dømde kampen. Den einaste tominutts-utvisinga måtte Nordstrand tåle.