Handball-NM 2023/24 for kvinner
Noregsmeisterskapen i handball 2023/24 for kvinner vart vunnen av Vipers frå Kristiansand, som sigra i finalen med 32–23 over Storhamar Idrettslag. Dermed sikra klubben seg sin sjuande strake kongepokal.
Kvartfinalane
[endre | endre wikiteksten]- Oppsal IF – Storhamar IL (frikamp)
- Volda HK – Sola HK 22–46
- Gjerpen IF – Larvik HK 24–36
- Vipers – Byåsen IL 27–26
Semifinalane
[endre | endre wikiteksten]- Vipers – Larvik 40–24
- Storhamar – Sola 33–23
Finalen
[endre | endre wikiteksten]Finalen vart avvikla på Sør Amfi i Arendal laurdag 25. februar 2024. Favoritten Vipers tok styringa i kampen og leia 17–12 ved pause. I den andre omgangen kontrollerte laget frå Kristiansand inn til nimåls-triumf, 32–23. Russiske Anna Vjakhireva vart kåra til banas beste.
For Vipers skåra Lois Abbingh 6 mål, fire av dei frå sjumetersmerket. Anna Vjakhireva, Sunniva Andersen og Luisa Schulze skåra alle kvar sine 5 mål, Paula Arcos stod for 3 nettkjenningar, medan Jana Knedlíková, Jamina Roberts og Tuva Høve skåra 2 mål kvar, Lysa Tchapchet og Marta Tomac skåra ein gong kvar. Silje Waade kom ikkje på skåringslista. Katrine Lunde var målvakt.
Storhamar sine mål kom frå Kristin Venn (7), Anniken Obaidli (4), Ane Cecilie Høgseth (3), Olivia Löfqvist (3), Anna K. Jacobsen (2), Mathilde Rivas-Toft, Tina Abdula, Mia Svele, Line Ellertsen skåra 1 mål kvar. Eli Marie Raasok stod i mål.
Dommarane Jørgen Jørstad og Mads Fremstad straffa Vipers med tre 2-minuttsutvisingar og Storhamar med ei.