Hanna Melnytsjenko

Hanna Melnytsjenko
Statsborgarskap	Ukraina
Fødd	24. april 1983 (40 år) Tbilisi
Idrett	friidrett
Tok del i	Sommar-OL 2008, Sommar-OL 2012, VM i friidrett 2013, EM i friidrett innendørs 2013, Friidrett under Sommar-OL 2016
Utmerkingar	3. klasse av Fyrstinne Olgas orden

Hanna Anatolijivna Kasjanova, fødd Melnytsjenko, (fødd 24. april 1983) er ein ukrainsk tidlegare friidrettsutøvar, fødd i Tblisi i Georgia, som i 2013 vart verdsmeister i sjukamp i Moskva der ho sette personleg rekord med 6 586 poeng.

Aktiv

Melnytsjenko vart i juli 2003 ukrainsk meister i sjukamp med til saman 5 523 poeng. Tre år seinare overskreid ho 6 000-poengsgrensa for fyrste gong då ho i ei tevling i Arles i 2006 sanka 6 055 poeng. Året etter forbetra ho under Europacupen i Stettin sitt personbeste til 6 143 poeng. I juli 2008 i Kiev auka ho poengskåren til 6 348 poeng. Sommaren 2009 kom ho på andreplassen ved mangekampstemnet i Götzis, etter å ha oppnådd 6 445 poeng. Nesten like mange poeng, 6 414, klarte ho då ho vart nummer seks i VM i Berlin.

Melnytsjenko enda på tiandeplassen i sjukampen under Sommar-OL 2012 i London. Etter å ha vorte nummer tre i femkampen ved innandørs-EM 2013 i i mars med 4 604 poeng, gjorde ho under verdsmeisterskapen i Moskva i august 2013 sitt livs beste sjukampserie. Med 6 586 poeng gjekk ho overraskande nok heilt til topps i tevlinga og vart tildelt gullmedaljen, 56 poeng føre kanadiske Brianne Theisen-Eaton.

Sidan 2014 er ho gift med den ukrainske mangekjemparen Oleksij Kasjanov.

Medaljar og plasseringar i internasjonale meisterskap

• EM 2006 i Göteborg: Nr 16 – 5 942 poeng
• VM 2007 i Osaka: Braut etter fyrste øvinga
• OL 2008 i Beijing: Nr 14 – 6 165 poeng
• VM 2009 i Berlin: Nr 6 – 6 414 poeng
• EM 2010 i Barcelona: Braut etter fem øvingar
• OL 2012 i London: Nr 10 – 6 392 poeng
• VM 2013 i Moskva: Gullmedalje – 6 586 poeng, framom Brianne Theisen-Eaton (6 530 poeng)
• OL 2016 i Rio de Janeiro: Nr 25 – 5 951 poeng

Kjelder

• Denne artikkelen bygger på «Hanna Kasjanowa» frå Wikipedia på tysk, den 24. juli 2021.