Hans-Peter Briegel

Frå Wikipedia – det frie oppslagsverket
Hans-Peter Briegel
Hans-Peter Briegel i 2012
Personleg informasjon
Fullt namn Hans-Peter Briegel
Fødselsdato 11. oktober 1955 (68 år)
Fødestad Rödenbach i Vest-Tyskland
Høgd 186 cm
Posisjon Venstreback
Midtstoppar
Defensiv midtbanespelar
Seniorkarriere*
År Lag Kampar (Mål)
1975-1984 Kaiserslautern 240 (47)
1984-1986 Verona 55 (12)
1986-1988 Sampdoria 51 (9)
Totalt 346 (68)
Landslag
1979-1986 Vest-Tyskland 72 (4)
Trenar for
1989-1990 FC Glarus
1992-1994 SV Edenkoben
1994-1995 Wattenscheid
1999-2000 Beșiktaș
2001-2002 Trabzonspor
2002-2006 Albania
2006-2007 Bahrain
2007 Ankaragücü
* Seniorklubbkampar og mål berre telt for nasjonal liga

Hans-Peter Briegel (fødd 11. oktober 1955) er ein tysk tidlegare fotballspelar frå Rodenbach i Rheinland-Pfalz. Han vart europameister med Vest-Tyskland i 1980, og spelte på dei vesttyske laga som tok seg til finalen både under VM 1982 og VM 1986.

Klubbspel[endre | endre wikiteksten]

Briegel var aktiv på FC Kaiserslautern i heimlandet frå 1975 til -84. Sommaren 1984 vart han overført til italienske Hellas Verona. Allereie i sin fyrste sesong var han med på ein historisk triumf, ettersom laget frå Verona for fyrste og hittil (2017) einaste gong sikra seg ein scudetto, den italienske seriemeistertittelen. Vel eitt år seinare gjekk turen til Sampdoria og to sesongar i laget frå Genova. Han avslutta karrieren med å verte italiensk cupmeister, skåra til og med det fyrste målet i den fyrste av dei to finalekampane.

Landslagsspel[endre | endre wikiteksten]

Briegel var vesttysk landslagsspelar frå 1979 til -86. I desse åra spelte han 72 landskampar og skåra fire mål. Han var på bana både under EM-finalen 1980 og VM-finalane 1982 og 1986. I 1980 vart det vesttysk finalesiger 2-1 mot Belgia, ein meisterskap der Briegel fekk venstreback-plassen på det såkalla Alls Star Team i EM. Sidan kom tap i begge VM-finalane, fyrst mot Italia i 1982 og så mot Argentina i 1986. Også i 1984 var Briegel på Vest-Tysklands lag i fotball-EM.

Merittar[endre | endre wikiteksten]

  • Europameister: 1980 med Vest-Tyskland
  • VM-sølv: 1982 og 1986 med Vest-Tyskland
  • Italiensk seriemeister: 1985 med Verona
  • Italiensk cupmeister: 1988 med Sampdoria

Kjelder[endre | endre wikiteksten]