Hans Øverland
| Hans Øverland | |
| Statsborgarskap | Noreg |
| Fødd | 13. januar 1828 |
| Død | |
| Yrke | politikar |
| Språk | norsk |
| Far | Orm Hansson Øverland |
Hans Andreas Ormsson Øverland (13. januar 1828–2. mai 1912) var ein norsk gardbrukar, lensmann og stortingsmann frå Nedstrand i Rogaland. Orm Hansson Øverland var far hans.
Øverland kjøpte i 1848 garden Tveit i Nedstrand og dreiv denne til 1877. I 1877 vart han tilsett som lensmann i bygda, og busette seg på Nedstrand. Han hadde då i realiteten styrt stillinga for far sin i 20 år. Frå 1869 til 1906 var han medlem av forlikskommisjonen og sat elles ei rekke år i heradsstyret.
Øverland representerte Stavanger amt på Stortinget 1862-66 og 1877-85. Han var 1862-63 medlem av budsjettkomiteen og 1865-66 av protokollkomiteen. Heile bolken 1877-85 var han medlem av justiskomiteen, samt 1833-85 av valkomiteen. Vidare var han sekretær i Odelstinget 1877-79 og i Stortinget 1880-85.
Øverland var formann i Venstre i Stavanger amt i kring 15 år. I 1885 vart han medlem av straffelovskommisjonen.
Han døydde på Nedstrand i 1912.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Hans Øverland NSD Norsk senter for forskningsdatas politikararkiv