Hans Haga den eldre

Hans Haga den eldre
	Hans Haga den eldre
Fødd	6. desember 1845
Død	12. oktober 1924 (78 år)
Statsborgar av	Noreg
Parti	Høgre
Yrke	politikar
Alle verv	stortingsrepresentant (1889–1891); stortingsrepresentant (1892–1894); stortingsrepresentant (1895–1897); stortingsrepresentant (1898–1900); stortingsrepresentant (1900–1903) ;

Hans Jensen Haga (6. desember 1845–12. oktober 1924) var ein norsk gardbrukar og stortingsmann frå Nannestad i Akershus. På Stortinget representerte han partiet Høgre.

Haga gjekk ein vinter på Sagatun Folkehøyskole. Han overtok farsgarden i 1869 og dreiv denne i lang tid. Frå 1908 var han statsrevisor.

Haga var frå 1874 til -98 og frå 1904 til -10 medlem av heradsstyret i Nannestad, ordførar 1882-90 og 1904-10. Elles hadde han mange kommunale verv, og var forlikskommissær 1883-89. Perioden 1884-1912 var han med i amtsskulestyret i Akershus.

Haga representerte Akershus amt på Stortinget i tida 1889-1903. I alle åra på tinget var han med i protollkomiteen, sekretær 1892-94. År 1899 var han medlem av komiteen om manntalslova. Tidlegare, i 1896, var han medlem av ein departementskomite vedkomande fattiglova.

Han døydde på Haga i Nannestad i 1924.

Kjelde[endre | endre wikiteksten]

Lindstøl, Tallak: Stortinget og Statsraadet 1814-1914. Kristiania, 1914