Hans Jakob Aschjem
| Hans Jakob Aschjem | |
| Statsborgarskap | Noreg |
| Fødd | 27. februar 1825 Lardal kommune |
| Død |
11. mars 1895 (70 år) |
| Yrke | bonde, politikar |
| Språk | norsk |
Hans Jakob Olsen Aschjem (27. februar 1825–27. februar 1895) var ein norsk gardbrukar, ordførar og stortingsmann frå Lardal i Vestfold.
Aschjem var son til ein gardbrukar i Lardal. Sjølv gifta han seg i 1846 til garden Grini i Lardal og overtok denne etter svigerfar sin. Han fekk plass i heradsstyret i 1856, og var med der i lang tid, perioden 1874-81 var han ordførar. Elles var han forlikskommissær 1866-73 og 1883-95.
Aschjem var stortingsmann frå Jarlsberg og Larvik amt 1862-73 og 1877-79. Frå 1862 til 1866 var han medlem av protokollkomiteen, 1862-63 av skoglovskomiteen, medan han 1868-73 og 1877-79 var medlem av budsjettkomiteen. Elles var han medlem av Lagtinget 1872-73 og 1877-79. I 1873 var han med i Stortinget sin deputasjon til kongekroninga i Trondheim.
Han døydde på garden sin i Lardal i 1895.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Hans Jakob Aschjem NSD Norsk senter for forskningsdatas politikararkiv