Hans Jakob Horst

Hans Jakob Horst
	Hans Jakob Horst
Fødd	7. november 1848; Hammerfest kommune
Død	17. mars 1931 (82 år)
Statsborgar av	Noreg
Parti	Venstre
Yrke	politikar, banksjef
Medlem	Den Norske Nobelkomite
Alle verv	stortingsrepresentant (1889–1891); ordførar i Tromsø; stortingsrepresentant (1892–1894); stortingsrepresentant (1895–1897); stortingsrepresentant (1898–1900); stortingsrepresentant (1900–1903); stortingsrepresentant (1906–1909); leder av Den Norske Nobelkomite (1922–1922) ;

Hans Jakob Horst (7. november 1848–17. mars 1931) var ein norsk skulemann, bankdirektør og politikar for Venstre.

Horst var fødd i Hammerfest, der far hans ei tid var kjøpmann. Han voks sidan opp i Tromsø, der han vart student frå Tromsø skole i 1867, cand. philol. vart han i 1874. I hovudstaden var han lærar ved Qvams skole 1871-73 og Maribogatens skole 1874-75. 1875 vart han adjunkt i heimbyen, overlærar 1886 og så rektor ved Tromsø høiere skole i perioden 1892-1908. Perioden 1909-26 var han direktør for Noregs Hypotekbank.

Horst var aktiv i lokalpolitikken i Tromsø, satt i bystyret i fleire periodar og var ordførar frå 1887 til 1890.

Horst var stortingsrepresentant for Venstre i periodane 1889-1903 og 1906-09, odelstingspresident i perioden 1892-99, lagtingspresident i perioden 1900-03. På alle tingsamlingane representerte han Tromsø og Bodø, med unnatak for den siste, då han var vald for Tromsø åleine. Horst var medlem av kyrkjekomiteen i alle år på Stortinget, sekretær i 1891 og frå 1892 formann i alle seinare sesjonar han var med på. 1902 var han formann i nøytralitetskomiteen. Han var 1890-93 medlem av den kongelege kommisjonen om dei høgare skulane i Noreg.

Horst var formann i Stortingets fredsforeining frå 1900, og president for den interparlamentariske konferansen i Kristiania i 1899. Frå 1906 til 1929 var han Noregs medlem av valdgiftsdomstolen i Haag. Han var medlem av Nobelkomiteen frå 1. november 1901 til han døydde. Han var nestleiar i perioden 1913-22 og leiar frå 21. august 1922 til 2. oktober same året.

Kjelder[endre | endre wikiteksten]

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Hans Jakob Horst NSD Norsk senter for forskningsdatas politikararkiv