Hans Maartmann Fleischer

Hans Maartmann Fleischer
Fødd	1. juni 1820
Død	1. oktober 1901 (81 år)
Statsborgar av	Noreg
Yrke	politikar
Alle verv	vararepresentant til Stortinget (1859–1861) vararepresentant til Stortinget (1862–1864) vararepresentant til Stortinget (1865–1867) vararepresentant til Stortinget (1868–1870) vararepresentant til Stortinget (1871–1873) stortingsrepresentant (1874–1876) vararepresentant til Stortinget (1880–1882)

Hans Maartmann Fleischer (1. juni 1820–1. oktober 1901) var ein norsk offiser, stortingsmann og byråkrat frå og i Kristiansand.

Fleischer tok eksamen ved krigsskulen i 1837. Han var deretter sekondløytnant og frå 1841 premierløytnant i Kristiansandske brigade. Han var utdanna cand.jur. i 1847. Frå 1856 til 1879 var han brigadeauditør i Kristiansand. Han var varamann til fleire storting, og møtte 1865-66 i staden for Claus Christian Olrog som sa frå seg valet. Fleischer var då medlem i Protokollkomiteen og den forsterka budsjettkomiteen. Valbolken 1874-76 var han andrepresentant til Stortinget frå Kristiansand. Då hadde han sete i Lagtinget og i Militærkomiteen. 17. januar 1882 vart han som varamann kalla til å møte i stortinget, men møtte ikkje.

Fleischer var medlem i Kristiansand bystyre frå 1859, i mange år vald til ordførar. Han var elles forlikskommissær frå 1861 og styremedlem 1864-82 i Noregs Bank si avdeling i Kristiansand. I 1861 var han medlem av ein kongeleg kommisjon om loslova, i 1873 om den militære straffelova.

Kjelder

• Lindstøl, Tallak: Stortinget og Statsraadet 1814-1914. Kristiania, 1914