Hans Michelsen

Frå Wikipedia – det frie oppslagsverket
Hopp til navigering Hopp til søk
Hans Michelsen
M Stoltenberg-Hans Michelsen.jpg
Matthias Stoltenberg: Portrett av Hans Michelsen
Fødd 1789
Leinstrand
Død

20. juni 1859 (69 år)
Christiania

Yrke bilethoggar
Hans Michelsen på Commons

Hans Michelsen (178920. juni 1859) var ein norsk skulptør frå Leinstrand i Sør-Trøndelag.

Michelsen var son til ein gardbrukar. Etter å ha arbeidd i Trondheim, var han frå 1815 elev av Eric Gustav Göthe i Stockholm. I perioden 1816–19 fekk han som fyrste nordmann statsstipend medan han gjekk på Kungliga Akademien för de fria konsterna. I studietida fekk han fleire prisar og vann i i 1820 akademiet sitt skulpturstipend.

Michelsen reiste då til Roma, der han vidareutdanna seg hos Bertel Thorvaldsen i seks år. Han arbeidde 1828–42 i Stockholm, der han mellom anna modellerte Kristus og dei tolv apostlane på bestilling frå kong Karl Johan. Apostelgruppa vart laga i gips og i 1840 stilt opp i oktogonen i Nidarosdomen. Dette «største skulpturarbeid i Norge på 1800-talle» gjekk tapt under brannen i Erkebispegarden i 1983. Michelsen forma også monumentet over Herman Wedel-JarlsbergBygdøy i Oslo i 1841. Åra 1842-44 budde Michelsen i Trondheim, sidan i den norske hovudstaden til han døydde.

Kjelder[endre | endre wikiteksten]