Hans Torgersen
| Hans Torgersen | |||
| Fødd | 30. oktober 1926 Øvre Eiker kommune | ||
|---|---|---|---|
| Død | 10. februar 2015 (88 år) | ||
| Statsborgar av | Noreg | ||
| Parti | Kristeleg Folkeparti | ||
| Yrke | politikar, forretningsdrivande | ||
| Alle verv |
| ||
Hans Torgersen (30. oktober 1926–10. februar 2015) var ein norsk glasmeister og politikar frå Øvre Eiker i Buskerud som 1977-81 representerte Kristeleg Folkeparti på Stortinget.
Torgersen var son til ein snikkar. Sjølv arbeidde han i Arnesens glassmagasin i Drammen frå 1941 til 1950. Han tok då meisterbrev og dreiv sidan eiga glasmeisterforretning i Drammen i 39 år fram til 1989.
Frå 1960 til 1971 var bystyremedlem i Drammen og var seinare fylkestingsmedlem i Buskerud i to periodar. 1974-78 var han fylkesformann i Buskerud KrF og samstundes landsstyremedlem i partiet. Valperioden 1977-81 var han stortingsrepresentant frå Buskerud med plass i Kommunal- og miljøvernkomiteen.