Hao Ran

Hao Ran
Statsborgarskap	Folkerepublikken Kina
Fødd	1932 Hebei
Død	20. februar 2008 (75 år)
Yrke	skribent

Liang Jinkuang (1932–20. februar 2008) var ein kinesisk forfattar. Han skreiv under namnet Hao Ran eller Haoran (浩然), og nytta også pseudonyma Baixue (白雪) og Panshan (盘山).

Han var fødd inn i ein fattig familie i Tangshan i provinsen Hebei, og blei foreldrelaus då han var 10 år. Han avbraut skulegangen etter berre tre år. 14 år gammal blei han bykader-medlem av kommunistpartiet.

I 1949 byrja han å arbeida for ungdomsorganisasjonen til kommunistpartiet og frå 1954 arbeidde han som journalist og redaktør for Hebei Ribao, Youyibao og Hongqi. Det første litterære verket hans, novellesamlinga Xique deng zhi, kom ut i 1956. I 1964 blei han forflytta til Beijing og blei yrkesforfattar. Det mest kjende verket hans, Yanyangtian («Ein strålande dag»), kom i 1965 i tre delar, og blei seinare filmatisert under same namn.

Dei fleste av verka til Hao Ran handlar om livet for fattige bønder, og han blir ofte rekna som den mest typiske revolusjonære forfattaren frå Mao-tida. Fleire har skulda han for å skriva propagandaverk utan kunstnarisk verdi, men ein del av bøkene hans har sjølv i det postmaoistiske Kina vunne prisar og hatt ein del suksess. Hao har òg skrive barnelitteratur.

Kjelder

• Denne artikkelen bygger på «Hao Ran» frå Wikipedia på bokmål, den 8. oktober 2020.

Litteratur

• Wong Kam-ming: «Revolutionär realism och revolutionär romantik i två romaner av Han Ran», i Orientaliska studier 41, 1982
• Cecilia Lindqvist: «Hao Ran och drömmen om framtiden», Kinarapport nr 4, 2003