Harald Saue

Frå Wikipedia – det frie oppslagsverket
Hopp til navigering Hopp til søk
Harald Saue
Fødd 20. februar 1876
Død

28. desember 1958 (82 år)

Yrke bonde, politikar

Harald Saue (20. februar 187628. desember 1958) var ein norsk gardbrukar frå Lier som representerte Buskerud fylke og BondepartietStortinget i tida 1925-33.

Saue var son til ein gardbrukar. Etter å ha teke eksamen ved Feltartilleriets underoffisserskule i 1898, arbeidde han ei tid på vegkontoret til Aker herad. I tida 1900-03 var han tilsett hos entrepenørfirmaet R. Huseby. Han starta opp Nittedals Torvstrøfabrik, som han dreiv til 1905, då han tok over farsgarden Saue i Lier og dreiv denne.

Saue var medlem av heradsstyret i Lier 1910-13 og 1919-28, dei siste seks åra som ordførar. Han hadde elles ei mengd styreverv, mellom anna var han krinsformann i Buskerud for Norges Bondelag i elleve år, formann 1928-32 i Buskerud landbruksselskap, styreformann for Bøndernes Hus og frå 1935 for Felleskjøpet, begge i Oslo. Av offentlege verv kan nemnast han var medlem i styret for Lierbanen, i Den departementale komiteen om Marinens hovudverft av 1927, Forsvarsdepartementets rasjonaliseringsutval av 1932, Skatteutjamningsutvalet av 1934, og 1929-45 av Riksskattestyret.

Saue var stortingsmann for Buskerud og Bondepartiet i tre valperiodar frå 1925 til 1933. Alle tingsesjonane var han med i Militærkomiteen, formann 1927 og nestformann 1928-33.

Under andre verdskrigen melde Saue seg inn i Nasjonal Samling. For aktiviteten i krigsåra vart han i februar 1946 dømd til seks års tvangsarbeid og tap av sivile rettar. Han vart sett fri i 1948.

Kjelder[endre | endre wikiteksten]