Hauk Aabel
| Hauk Aabel | |
 | |
| Fødd | 21. april 1869 |
|---|---|
| Fødestad | Førde |
| Død | 12. desember 1961 (92 år) |
| Dødsstad | Oslo |
| Verka som | teaterskodespelar |
| Far | Andreas Aabel |
| Ektefelle | Svanhild Johannessen |
| Born | Per Aabel, Andreas Aabel |
| Prisar | Kongens fortenestmedalje, Den Kongelege Norske St. Olavs Ordenen |
Hauk Erlendssøn Aabel (fødd 21. april 1869 i Førde, død 12. desember 1961) var ein norsk skodespelar og visesongar som vart utnemnd til riddar av St. Olavs Orden i 1934 og som òg fekk Kongens fortenestmedalje i gull.
Han var son av legen og høvesdiktaren Andreas Aabel (1830—1901) og debuterte på Christiania Theater i 1897, men slo først igjennom 1899 på Sekondtheatret med den storkomiske, lettbeinte og dumlystige antikvitetshandlaren Snild i Gustav Wied sin Erotik. 1900—1904 var han knytt til Nationaltheatret, frå 1904 til Centraltheatret, der han som den naive bondeguten Ola Lia forma ein populær figur.
I 1917 byrja Hauk Aabel å spele i stumfilmar i Sverige. Han vendte så tilbake til Noreg i 1927, der han deltok i fleire filmar, den siste i 1939, som far til Tutta Rolf i den svenske filmen Valfångare.
Hauk Aabel var far til den populære skodespelaren Per Aabel (1902–99).
Filmografi[endre | endre wikiteksten]
- Troll-Elgen (1927) i rolla som direktør Piper.
- Den store barnedåpen (1931) i rolla som kyrkjetenar Evensen (første norske lydfilm).
- En Glad gutt (1932) i rolla som Ola Nordistua.
- Jeppe på bjerget (1933) i rolla som Jeppe.
- Du har lovet mig en kone! (1935) i rolla som professoren.
- Morderen uten ansikt (1936)
- Ungen (1938) I rolla som Krestoffer.
Kjelder[endre | endre wikiteksten]
Denne artikkelen har innhald frå den opphavsrettsfrie førsteutgåva av Illustreret norsk konversationsleksikon, 1907–1913.
Bakgrunnsstoff[endre | endre wikiteksten]
- Ballade.no om Hauk Aabel Arkivert 2006-10-01 ved Wayback Machine.