Hege Frøseth

Frå Wikipedia – det frie oppslagsverket
Hege Frøseth
Statsborgarskap Noreg
Fødd 20. desember 1969 (54 år)
Trondheim
Yrke handballspelar
Høgd 176 centimeter
Ektefelle Stig Inge Bjørnebye

Hege Kirsti Frøseth (fødd 20. desember 1969) er ein norsk tidlegare handballspelar frå Støren. Målvakta vann OL-sølv i 1992 og VM-bronse i 1993.

Frøseth var i unge år medlem i Støren IL. I 1988 melde ho seg inn i Trondheims-laget Sverresborg IF, eit lag ho i 1988 tapte NM-finalen med. Nokre år seinare flytta ho over til byrivalen Byåsen Idrettslag og spelte nokre få sesongar på det laget.

Frøseth debuterte for Noreg i landskamp mot Frankrike den 5. september 1989. Sommaren 1992 deltok ho i dei olympiske sommarleikane i Barcelona, ei turnering som enda med sølvmedalje etter stort norsk finaletap mot Sør-Korea. I desember 1993 var ho med då Noreg vann 20-19 mot Romania i bronsefinalen under handball-VM 1993 på heimebane. Frøseth spelte 82 landskampar for Noreg.

Merittar[endre | endre wikiteksten]

  • VM 1990: Nr 6 med Noreg
  • OL 1992: Sølvmedalje etter 21–28 mot Sør-Korea
  • VM 1993: Bronsemedalje etter 20–19 mot Romania

Ho er gift med Stig Inge Bjørnebye.

Kjelder[endre | endre wikiteksten]