Helgeland Historielag
Helgeland Historielag vart stifta i Sandnessjøen 14. mars 1970 etter initiativ av Arnt O. Åsvang, Vevelstad.
Laget har til formål å auke og spreie kunnskap om Helgelands fortid, ivareta og verne om materielle kulturminne i distriktet og berge den munnlege tradisjonen som enno finst om liv og arbeid i eldre tider. Sidan 1970 har laget årvisst gjeve ut Årbok for Helgeland. Laget har òg gjeve ut to band av Helgelands Historie (1985 og 1994), og det tredje bandet skal etter planen komme ut i 2009.
Medlemsbladet Helgelendingen kjem ut tre–fire gonger i året.