Helmut Ormestad
| Helmut Ormestad | |||
| Fødd | 12. mai 1913 | ||
|---|---|---|---|
| Død | 10. august 1993 | ||
| Nasjonalitet | Noreg | ||
| Yrke | fysikar, professor | ||
| Institusjonar | Universitetet i Oslo | ||
| Alma mater | Universitetet i Oslo | ||
Helmut Ormestad (12. mai 1913–10. august 1993) var ein norsk fysikar.
Han tok dr. philos. ved Universitetet i Oslo i 1955 og vart dosent same stad i 1964. Frå 1985 var han professor ved universitetet. Forskinga hans var knytt til akustikk. Ormestad vart særleg kjent for evna si til å popularisere og formidle fysikk. Saman med Otto Øgrim utgav han boka Pølser, fysikk og potetesalat i 1951, frå 1960-åra hadde dei saman program i radio og fjernsyn der fysikken vart formidla på ein enkel og morosam måte. Særleg populær var programserien Fysikk på roterommet. Ormestad var medforfatter i ei rekkje lærebøker. Rom Stoff Tid, som han skreiv saman med Otto Øgrim og Kåre Lunde, fekk Cappelenprisen i 1983. Ormestad gjorde òg ein stor innsats for Human-Etisk Forbund.
Kjelder[endre | endre wikiteksten]
- «Helmut Ormestad». Store norske leksikon. 28. desember 2010. Henta 10. november 2013.