Henri Oreiller

Frå Wikipedia – det frie oppslagsverket
Hopp til navigering Hopp til søk
Henri Oreiller
Henri Oreiller 1948.jpg
Fødd 5. desember 1925
9. arrondissement
Død

7. oktober 1962
Montlhéry

Yrke alpinist, konkurransekjører på motorsykkel, racerfører

Henri Oreiller (5. desember 19257. oktober 1962) var ein fransk alpinist som vann OL-gull i utfor og den alpine kombinasjonen under Vinter-OL 1948 i St. Moritz.

Alpin skiidrett[endre | endre wikiteksten]

Oreiller vart olympisk meister i utfor i St. Moritz i 1948, med ein margin på fire sekund til nestemann. I den andre tevlinga, slalåm, tok han bronsemedaljen. Prestasjonane i dei to renna gav han ein andre gullmedalje i kombinasjonen, ei såkalla papirøving.

Ved VM i alpine greiner 1950 i Aspen i delstaten Colorado vart han som best nummer fire i storslalåm. Under vinterleikane 1952 i Oslo makta han ikkje å hamle opp mot dei beste, ein 14. plass i utfor vart hans fremste plassering.

Motorsport[endre | endre wikiteksten]

Etter han la opp i 1952 var Oreiller aktiv i billøp. Han omkom hausten 1962 på ei bilbane sør for Paris. Ei punktering førte til at han mista kontollen over bilen sin, ein Ferrari 250 GTO.

Kjelder[endre | endre wikiteksten]

  • (en) Henri Oreiller – Profil og resultatoversikt i olympiske konkurransar på sports-reference.com.