Here Comes the Sun

Frå Wikipedia – det frie oppslagsverket
Here Comes the Sun
Song av The Beatles
frå albumet Abbey Road
Utgjeve 26. september 1969
Innspelt 7. juli – 19. august 1969
Sjanger
Lengd 3:06
Selskap Apple
Komponist George Harrison
Tekstforfattar George Harrison
Låtskrivar(ar) George Harrison
Produsent George Martin

«Here Comes the Sun» er ein song av The Beatles på albumet Abbey Road frå 1969. Songen er skriven av George Harrison og er ein av dei mest kjende Beatles-songane av Harrison ved sidan av «Something»

Songen hadde opphav i eit samarbeid mellom Harrison og den nære venen Eric Clapton som resulterte i songen «Badge», spelt inn med Clapton si dåverande gruppe Cream. Det var mellomspelet i songen, brua, som danna grunnlaget for «Here Comes the Sun». Den endelege versjonen av songen vart skriven i hagen til Clapton då Harrison prøvde å unngå dei endelause møta i Apple Records. 1969 var eit vanskeleg år for George Harrison; han vart arrestert for oppbevaring av cannabis, han hadde fått mandlane fjerna og han slutta mellombels i The Beatles. «Here Comes the Sun» vart skriven medan Harrison ei stund følte seg borte frå desse problema.

Medverkande[endre | endre wikiteksten]

I følgje Ian MacDonald var besetninga til The Beatles på innspelinga som følgjer:[1]

The Beatles

Orkesster

John Lennon var fråverande då songen vart spelt inn på grunn av ei trafikkulukke i Skottland.

Andre versjonar[endre | endre wikiteksten]

Den afroamerikanske folk/soul-artisten Richie Havens, som vart kjent for konserten på Woodstock-festivalen, gav ut ein versjon av «Here Comes the Sun» i 1971 og nådde ein 16.-plass på den amerikanske Billboard-lista.

Den britiske gruppa Steve Harley & Cockney Rebel nådde tiendeplass på dei britiske listene i 1976 med sin versjon.

Jazz/soul-artisten Nina Simone gav i 1971 ut eit album med tittelen Here Comes the Sun, som mellom anna inneheldt hennar eiga særs personlege tolking av songen.

Kjelder[endre | endre wikiteksten]

Bakgrunnsstoff[endre | endre wikiteksten]

  1. MacDonald 2005, s. 356.