Hilde Hagerup

Hilde Hagerup
Statsborgarskap	Noreg
Fødd	26. februar 1976 (48 år) Tromsø kommune, Tromsø
Yrke	skribent, barnebokforfattar
Far	Klaus Hagerup
Hilde Hagerup på Commons

Hilde Hagerup (fødd 26. februar 1976) er ein norsk forfattar fødd i Tromsø. Ho er dotter av forfattaren Klaus Hagerup, Helge Hagerup var onkelen hennar og Inger Hagerup var bestemor hennar.

Etter barndom og ungdomstid i Fredrikstad drog Hilde Hagerup til Storbritannia, der ho m.a. har studert historia til den tredje verda ved University of London. Bøkene til Hagerup har fått stor merksemd og anerkjenning og er utgjevne i Danmark, Sverige, Island, Litauen, Tyskland, Frankrike, Thailand, Finland, Nederland og Kroatia.

Hilde Hagerup har også skrive ein biografi om Agatha Christie, fleire noveller samt skodespelet Kolibri. I 2005 kom romanen Lysthuset, den fyrste boka hennar for vaksne. I tillegg til sine eigne bøker har ho bidrege med noveller i ei rekkje antologiar.

Bibliografi

• Bølgebiter (1998)
• Høyest elsket (2000)
• Agatha Christie: en biografi for ungdom (2001)
• Løvetannsang (2002)
• Ikke mat sjimpansene (2004)
• Lysthuset (2005)
• Bittet (2007)
• Jeg elsker deg (2009)
• Alt som er galt med Georg (2010)

Prisar og utmerkingar

• For Bølgebiter vart ho tildelt Kulturdepartementets debutantpris.
• Ho mottok Kritikarprisen i 2002 for Løvetannsang
• Sonja Hagemanns barne- og ungdomsbokpris 2002 for Løvetannsang
• Skolebibliotekarforeningens litteraturpris 2002 for Løvetannsang
• For "Bittet" vart ho tildelt Kirke- og kulturdepartementets litteraturpris.
• Ordknappen 2010 for Jeg elsker deg
• Kulturdepartementets pris for fagbøker 2011 for Virginia Woolf
• Rasmus Løland-stipendet 2013