Hilmar Strøm

Frå Wikipedia – det frie oppslagsverket
Hopp til navigering Hopp til søk
Hilmar Strøm
Visittkortportrett Hilmar Martinius Strøm - SAS1982-19-014.jpg
Fødd 30. august 1817
Død

7. mars 1897

Yrke politikar, jurist

Hilmar Martinus Strøm (30. august 18177. mars 1897) var ein norsk embetsmann frå Trondheim som møtte på Stortinget i tida 1859-66, der han representerte Ålesund og Molde.

Strøm var son til ein kjøpmann i Trondheim. Han vart student i 1838 og cand.jur. frå universitetet i Christiania i 1845. Åra fram til 1850 var han sorenskrivarfullmektig i Lofoten, og deretter kopist i Justisdepartementet i sju år. I 1857 søkte han seg til Ålesund, der kona Anne Margrete Rønneberg, eldste dotter til den rike Carl Elias Rønneberg, var frå. Han var så byfut i Ålesund i tolv år, før han avslutta arbeidslivet som sorenskrivar i Karmsund i tida 1869-91.

Strøm representerte bykrinsen Ålesund på Stortinget 1859-60, då han var sekretær i Bankkomiteen. Sidan vart han vald til stortingsmann frå bykrinsen Ålesund og Molde. Han var 1862-63 medlem i Protokollkomiteen, møtte på Omframtstortinget 1864 og sat både i Lagtinget og var medlem i Bankkomiteen i 1865-66. I 1874 var han medlem av ein kongelege kommisjon om lensmannløner.

Strøm døydde i Stavanger.

Kjelder[endre | endre wikiteksten]