Hiram Bullock

Hiram Bullock
	Hiram Bullock
	;
Fødd	11. september 1955
Fødestad	Osaka i Japan
Død	25. juli 2008 (52 år)
Dødsstad	Manhattan
Fødenamn	Hiram Law Bullock
Opphav	USA
Sjanger	Jazz, jazzfusion
Instrument	Gitar
Verka som	jazzmusikar, gitarist, jazzgitarist

Hiram Law Bullock (11. september 1955–25. juli 2008) var ein amerikansk jazzfunk- og jazzfusion-gitarist.

Biografi[endre | endre wikiteksten]

Han var fødd i Osaka i Japan av afroamerikanske foreldre som tente i det amerikanske forsvaret. Då han var to år gammal flytta familien til Baltimore. Han synte seg raskt som eit stort musikktalent. Han lærte piano ved Peabody Conservatory of Music, og spelte første gong for folk berre seks år gammal. Etter å ha lært seg saksofon og bass, byrja han å spele gitar 16 år gammal.^[1]

Bullock studerte ved University of Miami og møtte gitaristane Pat Metheny og Steve Morse og bassistane Jaco Pastorius og Will Lee. Han betalte for studiane ved å spele på nattklubbar i Florida, før han flytta til New York. Han er mest kjend for spelinga med Pastorius, på Late Night with David Letterman og arbeidet med David Sanborn og Bob James. Han spelar med Steely Dan på Gaucho (1980), Paul Simon på One Trick Pony (1980), Sting på ...Nothing Like the Sun (1987) (solo på coverversjonen av Jimi Hendrix sin «Little Wing») og Billy Joel på The Stranger (1977). Han arbeidde òg for Harry Belafonte, Marcus Miller, Carla Bley, Miles Davis, Ruben Rada (på albumet Montevideo) og Gil Evans.

Han spelte som medlem av the 24th Street Band, som gav ut tre album: 24th Street Band (1979), Share Your Dreams (1980) og Bokutachi (1981).

I 1982 gav han ut debutplata si, First Class Vagabond.

I 1986 gav Bullock ut det første albumet sitt som leiar for Atlantic Records kalla From All Sides, etterfølgd av albuma Give It What You Got i 1987 og Way Kool i 1990.

I 2007 fekk Bullock strupekreft, men vart behandla for dette og byrja å turnere igjen. Langvarige probl med dopmisbruk førte likevel til at han døydde den 25. juli 2008.^[2] Han vart æra av David Letterman på showet hans.