Hn/Desibel

Sidor som ligg under «Hn» er skrivne på høgnorsk. Denne finst òg i gjeldande rettskriving — sjå «Desibel».

Desibel, dB er ei måleeining som segjer noko um tilhøvet millom tvo verde. Måleeiningi vert serleg mykje nytta i akustikk og elektronikk. Mest kjent er det kanskje at ein mæler ljodnivå i desibel. Sidan desibel er eit tilhøvestal, vert einingi dimensjonslaus. Desibel er ikkje ei SI-eining.

Ljodintensitet kann uttrykkjast med formelen under:

$I_{\mathrm {dB} }=10\log _{10}\left({\frac {I}{I_{0}}}\right)$

her er I₀ den lægste ljoden ein kann høyre, og I er intensiteten åt den ljoden ein mæler.

Tilhøvet millom tvo spenningsverde kann uttrykkjast slik:

$V_{\mathrm {dB} }=20\log _{10}\left({\frac {V_{1}}{V_{0}}}\right)=10\log _{10}\left({\frac {V_{1}^{2}}{V_{0}^{2}}}\right)$

I elektronikken talar ein ofte um dB-milliwatt (dBm) eller dB-mikrovolt (dBuV). dB-milliwatt er effekt relativt til ein milliwatt med dB-mikrovolt er spenning relativt til ein mikrovolt.

Samanhengen millom effektforsterking og spenningsforsterking

Dersom me set upp inngangseffekten i eit forsterkarsteg som

$Pinn=Vinn^{2}/Rinn$

og på same måten utgangseffekten som

$Put=Vut^{2}/Rut$

kann me skriva effektforsterkingi som

$Put/Pinn=(Vut^{2}*Rinn)/(Vinn^{2}*Rut)$

Forsterkingi i dB vert då

N(dB) = $10\log _{10}((Vut^{2}*Rinn)/(Vinn^{2}*Rut))=20\log _{10}(Vut/Vinn)+10*log(Rinn/Rut)$