Hogstmaskin
Hogstmaskin er ei skogsmaskin som fell, kvistar og kappar trea. Maskinane er utstyrte med ei lang ledda arm, ikkje så ulik ei tømmerkran, med eit felle- og kappeaggregat i enden. Aggregatet grip rundt stammen og kappar han av ved rota og legg han ned på marka. Framføringsrullar i aggregatet matar så stammen gjennom aggregatet, som skjer av kvisten ved hjelp av knivar som ligg innåt stammen. Dette er kostbare ,askinar, så for mindre skogeigarar svarar det seg ofte å leia ein entreprenør for å avverka skogen.
Programmerbar styreeining
[endre | endre wikiteksten]Aggregatet har sensorar som måler tjukkelsen og lengda på stammen. Denne informasjonen vert overført til ei digital styreeining, som er programmert til å rekna ut kvar stammen bør kappast for å utnytta han så godt som mogleg. Styreeininga informerer så kappeaggregatet om kvar stammane skal kappast. Informasjon blir lagra i eininga, som genererer ein rapport som gjev skogeigar ei oversikt over avverkinga.