Horseshoe Bend National Military Park

Frå Wikipedia – det frie oppslagsverket
Gå til: navigering, søk
For andre tydingar av oppslagsordet, sjå Horseshoe Bend.
Koordinatar: 32°58′15″N 85°44′18″W
Horseshoe Bend National Military Park
verneområde
none  Kampstaden ved Horseshoe Bend, som i 1814 var skogkledd.
Kampstaden ved Horseshoe Bend, som i 1814 var skogkledd.
Land Flag of the United States.svg USA
Stat Alabama
Stad Tallapoosa County i Alabama
 - koordinatar 32°58′15″N 85°44′18″W
Areal 8 26 km²
Grunnlagd 25. juli 1956

Horseshoe Bend National Military Park er ein militær nasjonalpark ved Tallapoosa-elva i Alabama i USA. Han blei oppretta i 1956 til minne om slaget ved Horseshoe Bend i 1814, under Creek-krigen. Slaget stod 27. mars mellom ein milits leidd av general Andrew Jackson, med støtte frå 39th U.S. Infantry Regiment, cherokeefolk og Lower Creek-muskogeefolk mot Upper Creek-gruppa Red Sticks. Slaget var det siste store i Creek-krigen, og førte til tap av makt og landområde for muskogeefolka.

Slaget fann stad ved ein barrikade Red Sticks-krigarane hadde bygga for å verna landsbyen sin, Tohopeka. Over 800 Upper Creek-folk døydde under slaget på heimeområdet sitt. Dette er det største tapet av liv blant urfolk i eit enkelt slag i USA-amerikansk historie.[1] Red Sticks-leiaren Menawa blei såra, men overlevde.

9. august 1814 skreiv muskogeefolka under på Fort Jackson-traktaten, som overførte 23 millionar acre (93 000 km2) land til styresmaktene i USA. Delar av dette området blei gjort om til delstaten Alabama i 1819. Resten tilhøyrer no Georgia. Andrew Jackson blei ein krigshelt som seinare blei vald til president i USA.

Kjelder[endre | endre wikiteksten]

  1. «Horseshoe Bend National Military Park». National Park Service. http://www.nps.gov/hobe/. Henta 2008-03-01. 

Bakgrunnsstoff[endre | endre wikiteksten]

Collision of Cultures], NPS.gov