Hosni Mubarak
| Hosni Mubarak
حسنى مبارك | |
 Hosni Mubarak taler under Verdas økonomiske forum i Sharm-el-Sheikh i 2008. | |
| Fødd | 4. mai 1928 Kafr el-Muṣīlḥa |
|---|---|
| Død | 25. februar 2020 (91 år) |
| Statsborgar av | Kongedømmet Egypt, Republikken Egypt, Den sameinte arabiske republikken, Egypt |
| Parti | Det nasjonaldemokratiske parti, Den arabiske sosialistunion |
| Yrke | politikar, flygar, militær |
| Utdanna ved | Egypts militærakademi Russlands væpnede styrkers generalstabsmilitærakademi Supreme Military Institute of the Armed Forces of the Kyrgyz Republic M.V. Frunzes millitærakademi |
| Ektefelle | Suzanne Mubarak |
| Barn | Alaa Mubarak, Gamal Mubarak |
| Verv | President i Egypt |
| Føregangar | Anwar Sadat |
| Etterfylgjar | Mohamed Hussein Tantawi (fungerande) Mohamed Morsi |
Muhammad Hosni Sayyid Mubarak (fødd 4. mai 1928 i Kafr-el-Meselha i Al Minufiyah-provinsen) var ein egyptisk politikar og offiser som var president i Egypt frå 1981 til 2011. Hosni Mubarak etterfølgde Anwar Sadat då han vart drepen i 1981. Mubarak døydde 25. februar 2020 (91 år).
Karriere[endre | endre wikiteksten]
Mubarak har ein bachelorgrad i militærvitskap og bachelorgrad i flygingsvitskap. Han har vore offiser i det egyptiske flyvåpenet, og jobba seg oppover i gradene til han var ein av dei øvstkommanderande for flyvåpenet i Egypt. I 1975 vart han utnemnd til visepresident av Anwar Sadat, og hadde stillinga fram til mordet på Sadat 6. oktober 1981.
I 1991 var Egypt under Mubarak sterkt involvert i Golfkrigen på sida til SN. I 2003 stilte han seg kritisk til krigen imot Irak, fordi han meinte at den israelsk-palestinske konflikten burde løysast fyrst.
Uro i Egypt[endre | endre wikiteksten]
Den 7. september 2005 vann Mubarak det fyrste presidentvalet i Egypt der fleire kandidatar fekk stilla til val. Ifylgje Aftenposten gjorde valet presidenten uroleg, og han stramma difor inn i den politiske fridomen i Egypt. Under parlamentsvalet i 2010 vann Det nasjonaldemokratiske partiet, partiet til presidenten, men få egyptarar såg på dette valet som fritt. Dette var ein av grunnane til at Den egyptiske revolusjonen i 2011 braut ut i januar 2011, med store opptøyer blant egyptarane. [1] Etter store protestar i fleire veker gjekk Mubarak av som president 11. februar 2011 og overlet makta til det øvste militærrådet.
Familie[endre | endre wikiteksten]
Hosni Mubarak er gift med Suzanne, fødd Thabet, og dei har sønene Alaa og Gamal saman.
Kjelder[endre | endre wikiteksten]
- Engelsk Wikipedia om Hosni Mubarak, henta inn 29. januar 2011.
- Bokmålswikipedia om Hosni Mubarak, henta inn same dato.