Hotel Ullensvang
Hotel Ullensvang er eit hotell som ligg på Lofthus i Hardanger.
Historie[endre | endre wikiteksten]
Hotellet vart starta opp av Hans Utne i 1846 som skysstasjon, fordi han trong overnattingsplass for folk han skulle ro over fjorden. Han og kona Brita Aga dreiv også skipsekspedisjon, landhandel og postopneri.[1]
Hotellet gjekk så i arv til sonen Bjarne Utne og kona Brita. Dei utvida til 50 senger og heilårsdrift.[1] Eit nytt anneks med 35 sengeplassar vart ferdig bygt i 1934.[1] Under andre verdskrigen vart hotellet nytta som aldersheim av Bergen Aldersheim.[1] I 1962 overtok tredje generasjon, Hans Utne og kona Ellen.[1] Fjerde generasjon, Edmund Harris Utne og Ina Utne, kom inn i drifta i 1969.[1] Fram til 2021 vart hotellet drive av den femte generasjonen, Hans Edmund Utne og Barbara Zanoni Utne. I 2021 vart hotellet selt til til H.I.G. Capital og Hamilton Hotel Partners.[1] Det har no 168 rom og stor aktivitets- og badeavdeling.
I hagen til hotellet står komponisthytta til Edvard Grieg, ved namn Komposten.
Kjelder[endre | endre wikiteksten]
- ↑ 1,0 1,1 1,2 1,3 1,4 1,5 1,6 «Historien om Hotel Ullensvang», Hotel Ullensvang, arkivert frå originalen 19. august 2021, henta 19. august 2021
