Hubert Strolz

Frå Wikipedia – det frie oppslagsverket
Hopp til navigering Hopp til søk
Hubert Strolz
Strolz Hubert 01.jpg
Fødd 26. juni 1962
Warth
Yrke alpinist
Hubert Strolz på Commons

Hubert Strolz (fødd 26. juni 1962) er ein austerriksk tidlegare alpin skirennar frå Warth i Vorarlberg som vann ein gull- og ein sølvmedalje under dei olympiske leikane 1988, og VM-sølv året etter.

Aktiv[endre | endre wikiteksten]

Strolz VM-debuterte med ein tiandeplass i storslalåm under VM i alpine greiner 1982 i Schladming. To år seinare vart han nummer seks i same øvinga under Vinter-OL 1984 i Sarajevo. I VM i alpine greiner 1987 nærma han seg ytterlegare ein medaljeplass med fjerdeplass i storslalåm og femteplass i super-G.

Under Vinter-OL 1988 i Calgary vann Strolz gullmedaljen i kombinasjonen. I storslalåm tok han sølvmedaljen, bakom Alberto Tomba frå Italia. Også i super-G kjempa Strolz om medalje, men enda tre hundredels sekund bakom bronsemedaljøren og vart nummer fire. Året etter kopierte han super-G-plasseringa under VM i alpine greiner 1989 i Vail i USA.

Strolz fremste prestasjon under vinterleikane 1992 i Albertville vart ein delt niandeplass i storslalåm. Langt betre gjorde han det under VM i alpine greiner 1993 i japanske Morioka, der han vart nummer fire i slalåm og seks i storslalåm.

Strolz vart nummer tre i verdscupen i alpine greiner 1988, bakom sveitsaren Pirmin Zurbriggen og Alberto Tomba frå Italia. Same sesongen noterte Strolz seg for sin einaste siger i verdscupen då han, 17. januar 1988, kleiv til topps på pallen etter kombinasjonen i Bad Kleinkirchheim. Til gjengjeld hadde han heile 14 andreplassar og 18 tredjeplassar etter andre verdscuprenn.

Han la bort konkurranseskia i 1994.

Kjelder[endre | endre wikiteksten]

  • Sportsboken, aktuelle årgangar