Hundsøyfjorden

Hundsøyfjorden er ein fjord i Søgne kommune. Fjorden ligg ute i havgapet mellom ei rekkje øyar, i området sør for Høllen og sjølve Søgne. Fjorden har innløp i aust, mellom Songvår fyr i sør og Skarvøya i nord. I aust grenser han til Songvårfjorden. Fjorden strekkjer seg 8 km vestover til innløpet av Kumlefjorden, nær kommunegrensa til Mandal.

Av øyar på sørsida av fjorden finn ein Songvår, Grønningan, Ramnøy, Gjæve, Bøddelen, Drengene, Seiholmen og Vassøyan. På nordsida av fjorden ligg øyane Skarvøya, som ligg like sør for Ny-Hellesund, Hundsøya, Varholmen, Torsholmen, Lamholmen, Langøya, Geiderøya, Havnøyane og Åløya.

Frå Hundsøyfjorden strekkjer fjordane Høllefjorden, Torvefjorden, Rivenesfjorden og Trysfjorden seg nordover.