Hussein Ahmed Salah

Frå Wikipedia – det frie oppslagsverket
Hopp til navigering Hopp til søk
Hussein Ahmed Salah
Statsborgarskap Djibouti
Fødd 31. desember 1956
Ali Sabieh
Idrett friidrett
Yrke maratonløpar, langdistanseløpar

Hussein Ahmed Salah (fødd 31. desember 1956) er ein tidlegare langdistanseløpar frå Ali Sabieh i Djibouti som vann VM-sølv 1987 og 1991 i maratonløp, samt OL-bronse på distansen i 1988. Han er den einaste idrettsutøvaren frå Djibouti med OL-medalje.

Aktiv[endre | endre wikiteksten]

I 1985 vann Salah Det internasjonale friidrettsforbundet (IAAF) sin verdscup i maraton, mellom anna sigra han i Hiroshima maraton og vart andremann i New York. Året etter triumferte han i Paris maraton.

Salah tok så sølvmedaljen i maratonløpet under VM 1987 i Roma, på plassen bak Douglas Wakiihuri frå Kenya og plassen føre Gelindo Bordin frå Italia. I april 1988 sprang Salah sitt livs fortaste maraton då han vart nummer 2 i Rotterdam maraton på tida 2.07.07, 17 sekundar bak Belayneh Densamo frå Etiopia, begge løparane på tider under verdsbestetida til Carlos Lopes frå Portugal.

I dei olympiske sommarleikane 1988 i Seoul sprang Salah inn til bronsemedalje, 27 sekundar etter Bordin og 12 etter Wakiihuri, dei to andre medaljevinnarane frå VM året i førevegen. I 1991 sikra Salah seg i Tokyo eit nytt VM-sølv, halvminuttet bak heimefavoritten Hiromi Taniguchi.

Medaljar og plasseringar i internasjonale meisterskap[endre | endre wikiteksten]

Kjelder[endre | endre wikiteksten]