Infidels

Frå Wikipedia – det frie oppslagsverket
Hopp til navigering Hopp til søk
Infidels
Studioalbum av Bob Dylan
Utgjeve 27. oktober 1983
Innspelt April til mai 1983
Studio The Power Station i New York
Sjanger Heartland rock
Lengd 41:39
Selskap Columbia
Produsent Bob Dylan, Mark Knopfler
Bob Dylan-kronologi
Shot of Love
(1981)
Infidels Real Live
(1984)


Singlar frå Infidels
  1. «Union Sundown[1]»
    Utgjeve: Oktober 1983
  2. «Sweetheart Like You[2]»
    Utgjeve: Desember 1983
  3. «Jokerman[3]»
    Utgjeve: December 1983 (Storbritannia), April 1984 (USA)
  4. «I And I[4]»
    Utgjeve: 1983
Meldingar
Karakter
KjeldeKarakter
AllMusic4/5 starsStar full.svgStar full.svgStar full.svgStar empty.svg [5]
Robert ChristgauB- [6]
Entertainment WeeklyA- [7]
MusicHound3/5 starsStar full.svgStar full.svgStar empty.svgStar empty.svg[8]
Paste(Positive) [9]
Rolling Stone4.5/5 starsStar full.svgStar full.svgStar full.svgStar half.svg[10]

Infidels er det 22. studioalbumet til Bob Dylan og kom ut på Columbia Records i oktober 1983.

Det var produsert av Mark Knopfler og Dylan sjølv og var det første albumet på nokre år der Dylan berre skreiv verdsleg musikk etter at han konverterte til kristendom og gav ut tre evangeliske gospelplater. Sjølv om han aldri offentleg forsaka trua si eller forlet religiøse bilete, fekk Infidels mykje merksemd på grunn av meir personlege tema som kjærleik og tap, i tillegg til kommentarar om miljøspørsmål og geopolitikk.

Albumet fekk betre mottaking enn på mange år for Dylan og vart stort sett hylla for dei gode låtane og den gode framføringa. Albumet gjorde det òg forholdsvis bra kommersielt og selde til gull i USA, der det nådde 20. plassen. I Storbritannia nådde det 9. plassen, medan det i Noreg gjekk heilt til topps. Likevel var mange tilhengjarar og kritikarar uroa over at fleire songar vart fjerna frå albumet like før det vart mastra, mellom anna «Blind Wille McTell», som mange kritikarar har trekt fram som eit av høgdepunkta i karrieren til Dylan. Denne songen kom først ut på The Bootleg Series Volumes 1–3 åtte år seinare.

Innspeling[endre | endre wikiteksten]

Infidels vart produsert av Mark Knopfler, mest kjend som frontmann i bandet Dire Straits. Dylan ønskte først å produsere albumet sjølv, men følte at teknologien var blitt for avansert for han, så han møtte feire artistar som var meir heime i eit moderne platestudio enn han. David Bowie, Frank Zappa og Elvis Costello vart alle møtt før Dylan hyrte Knopfler.[11]

Knopfler innrømde seinare at det var vanskeleg å produsere Dylan. Med Knopfler ombord samla dei saman eit lag av dugande musikarar. Knopfler spelte sjølv gitar i lag med Mick Taylor, som tidlegare var sologitarist i Rolling Stones. Etter å ha blitt introdusert for Taylor sommaren før, utvikla Dylan eit venskap med han som førte til at gitaristen fekk høyre songane på Infidels i månadane før innspelinga i april.[12] Taylor spelte òg slidegitar på innspelingane.

Knopfler føreslo Alan Clark på klaverinstrument og lydteknikaren Neil Dorfsman. I følgje Knopfler var det Dylan sin idé å hente Robbie Shakespeare og Sly Dunbar som rytmeseksjon. Mest kjend som Sly & Robbie var Shakespeare og Dunbar kjende reggaeprodusentar og plateartistar på Island Records.

Innhald[endre | endre wikiteksten]

Alle songar skrivne av Bob Dylan.

Side ein
# Tittel Lengd
1. «Jokerman»   6:12
2. «Sweetheart Like You»   4:31
3. «Neighborhood Bully»   4:33
4. «License to Kill»   3:31
Side to
# Tittel Lengd
1. «Man of Peace»   6:27
2. «Union Sundown»   5:21
3. «I and I»   5:10
4. «Don't Fall Apart on Me Tonight»   5:54

Medverkande[endre | endre wikiteksten]

Kjelder[endre | endre wikiteksten]

  1. «Bob Dylan - Union Sundown». 45cat.com. Henta 3. desember 2018. 
  2. «Bob Dylan - Sweetheart Like You». 45cat.com. Henta 3. desember 2018. 
  3. «Bob Dylan - Jokerman». 45cat.com. Henta 3. desember 2018. 
  4. «Bob Dylan - I And I». 45cat.com. Henta 3. desember 2018. 
  5. lenkje
  6. Robert Christgau
  7. Flanagan, Bill (29. mars 1991). «Dylan Catalog Revisited». EW.com. Henta 3. desember 2018. 
  8. Graff, Gary; Durchholz, Daniel (eds) (1999). MusicHound Rock: The Essential Album Guide (2nd utg.). Farmington Hills, MI: Visible Ink Press. s. 371. ISBN 1-57859-061-2. 
  9. Mal:Http://www.pastemagazine.com/articles/2013/11/bob-dylan-the-complete-albums-collection.html
  10. Connelly, Christopher (November 24, 1983). «Infidels Album Review». Rolling Stone. Henta 20 November 2013. 
  11. Heylin, Clinton (1991). Bob Dylan: Behind the Shades Revisited, p. 550. HarperCollins (2003 paperback ed.) ISBN 0-06-052569-X.
  12. Heylin (1991), p. 551.