Inge M. Lyse

Inge M. Lyse
Fødd	1898
Død	1990
Nasjonalitet	Noreg
Yrke	ingeniør
Institusjonar	Noregs tekniske høgskole

Inge Martin Lyse (22. oktober 1898–1990) var ein norsk bygningsingeniør frå Forsand, professor i betong og betongkonstruksjonar ved Norges tekniske høgskole i Trondheim.

Liv og gjerning

Lyse var son til ein gardbrukar på Lyse i Forsand kommune. Han gjekk skulevegen og tok eksamen ved NTH i 1923. Den 9. november 1923 tok han amerikabåten frå Stavanger og arbeidde fram til 1927 som bygningsingeniør med kraftutbygginga i California. I tida 1927-31 var han forskar ved Portland Cement Association i Chicago, deretter var han professor ved Lehigh University i Bethlehem i Pennsylvania fram til 1938.

Frå 1938 var Lyse professor i betongteknikk og betongbruer ved NTH i Trondheim, viserektor 1954-56. Under 2. verdskrigen tok han del i den hemmelege motstandsrørsla. Han var 1951-53 leiar for UNESCO sine folk som tok del i oppbygginga Indias tekniske høgskule.

Lyse var 1953-54 president i det internasjonale forbundet for materialteknisk gransking, og frå 1955 i Norges Tekniske Vitenskapskademi. Same året vart han vald til formann i Norsk Betongforening.

Lyse skreiv ei mengd artiklar og avhandlingar publisert i både norske og utanlandske fagtidsskrift. Han vart tildelt St. Olavs orden i 1966.

Kjelder

• Norsk Allkunnebok. VIII. bandet. 1958