Ingeniør Knut Berg på eventyr

Frå Wikipedia – det frie oppslagsverket
Hopp til navigering Hopp til søk
Ingeniør Knut Berg på nye eventyr
Forfattar(ar)Hallvard Sandnes, Jon Bing, Tor-Åge Bringsværd.
IllustratørKnut Westad og Jostein Øvrelid
Språknynorsk
SjangerFabelprosa, eventyr
Utgjeven1941
ForlagFonna Forlag
Lansert1941, 2007
Slutta1960
StatusJulehefte (2007)
AldersgrensePassar best for over 11 år.

Ingeniør Knut Berg på eventyr er ein norsk teikneserie som fyrst vart utgjeven i 1941 i Nynorsk Vekeblad.

Handlinga er lagt til ei framtidsverd med avansert teknologi. Trass i dette er enno reknestavar i bruk. Teikneserien er å likna med Lyn Gordon og fell inn i science fiction-tematikken.

Helten og hovudpersonen er den norske ingeniøren Knut Berg. Saman med gode hjelparar dreg dei rundt i heimsrommet (verdsrommet).

Dr. Panga er skurken i serien og strebar etter å ta makta i landet Kalimanko. Knut Berg og kjærasten prinsesse Aima av Kalimanko står i vegen for han.

Teikneserien vart utgjeven som eige hefte i perioden 1943 til 1960.[1]

Nye utgåver[endre | endre wikiteksten]

Teikneserien vert utgjeve på nytt av Fonna Forlag som julehefte. Først eit feila prøveår i 1986, men so ein periode ifrå 2000 til 2005. [2]

Frå og med 2007 har det kome nye historier om ingeniøren, no med manus av Jon Bing og Tor-Åge Bringsværd, med den tidlegare Fantomet-teiknaren Knut Westad for streken. Etter det forlaget har røpt, vil ingeniøren vende tilbake frå Mars-turen han tok på 60-talet og gå laus på problema rundt miljøet og matvaremangelen.[3] Nynorskdrakta vert gjeven av Olaf Almenningen.[4]

Fotnotar[endre | endre wikiteksten]