Ingrid Steen

Ingrid Steen
Statsborgarskap	Noreg
Fødd	12. desember 1967 (57 år) Trondheim
Yrke	handballspelar
Høgd	178 centimeter

Ingrid Steen (fødd 12. desember 1967) er ein norsk tidlegare handballspelar frå Trondheim som vann to OL-sølv, VM-bronse og EM-bronse i tida 1986-94. Ho vart elles noregsmeister to gongar og seriemeister 1986 med Sverresborg IF, samt seriemeister 1989 med IL Vestar frå Oslo. Steen, som var høgre rykkrom-spelar, var ofte norsk toppskårar i landskampane.

Steen debuterte på Noregs landslag i 1984. I desember 1986 var ho ein sentral spelar då Noreg overraskande vann bronsemedaljen under handball-VM i Nederland. Sidan var ho med å vinne sølvmedalje både under Sommar-OL 1988 i Seoul og Sommar-OL 1992 i Barcelona. I si siste meisterskaps-turnering, handball-EM 1994 i Vest-Berlin, skåra ho 10 av måla då Noreg vann bronsefinalen med 24-19 over Ungarn. Steen spelte 160 landskampar med det norske flagget på brystet og skåra 584 mål.

Allereie 16 år gammal vart Steen noregsmeister med Sverresborg i 1983. Året etter forsvarte ho og laget NM-tittelen, og i 1986 vart ho seriemeister med laget frå Trondheim. Etter ho melde overgang til Vestar lukkast ho i 1989 verte seriemeister for andre gong. Steen spelte seinare for fleire ulike handballag, dei mest kjende er Byåsen IL og Bækkelaget SK.

Merittar

• VM 1986: Bronsemedalje etter 23–19 mot Aust-Tyskland
• OL 1988: Sølvmedalje etter 20–23 mot Sør-Korea
• OL 1992: Sølvmedalje etter 21–28 mot Sør-Korea
• EM 1994: Bronsemedalje etter 24–19 mot Ungarn

Kjelder

• Denne artikkelen bygger på «Ingrid Steen» frå Wikipedia på bokmål, den 4. desember 2016.