Ingvild Stensland

Frå Wikipedia – det frie oppslagsverket
Hopp til navigering Hopp til søk
Ingvild Stensland

Ingvild Stensland.jpg

Statsborgarskap Noreg
Fødd 3. august 1981
Lyngdal
Idrett fotball
Yrke fotballspelar

Ingvild Stensland (fødd 3. august 1981) er ein norsk fotballspelar frå Lyngdal som har spelt toppfotball i fire norske klubbar, samt i Sverige og i Frankrike. Frå 2002 til 2013 var ho med på ein europacup-triumf, og å vinne seks seriemeistertitlar (Noreg og Frankrike), samt tre cupgull (Noreg og Sverige). Ho spelte på midtbana på det norske landslaget frå 2003 til 2014, og vann EM-sølv både i 2005 og 2013. Stensland var landslagskaptein frå 2009 til 2014.

Klubbspel[endre | endre wikiteksten]

Stensland voks opp i ein fotballfamilie. Etter debuten for Lyngdal IL spela ho for Donn i 1999, Athene Moss 2000-01 og Kolbotn 2002-06. Med Kolbotn vart ho seriemeister i i både 2002, 2005 og 2006, samt cupmeister i 2007. I 2005 vart Stensland kåra til årets spelar i Toppserien, og i 2008 til årets norske kvinneleg fotballspelar.

Etter fem sesongar i Kolbotn flytta ho til Sverige og spelte i to år for Kopparbergs/Göteborg FC. Hausten 2008 reiste Stensland til den franske toppklubben Olympique Lyon. Her var ho med på å to strake seriemeisterskap; 2010 og 2011. Både i 2010 og 2011 spelte det franske laget seg også fram til finale i Europacupen for kvinner, den fyrste finalen enda med tap, medan den andre med siger 2-0 over Turbine Postdam. Stensland spelte 2010-finalen, men kom ikkje på bana i 2011-finalen. Sommaren 2011 gjekk ho då tilbake til Kopparbergs/Göteborg FC, der ho vart verande ut sesongen og var med då klubben vann den svenske cupmeisterskapen.

Frå våren 2012 har Stensland vore Stabæk-spelar. I 2012 vann Stabæk den norske cupen og i 2013 enda det med siger i Toppserien. På seinsommaren 2014 pådrog ho seg ein skade som sette henne på sidelinja til sommaren 2015.

Landslagsspel[endre | endre wikiteksten]

Stensland landslagsdebuterte i Kina i januar 2003, der Noreg møtte USA i ei turnering og tapte 1-3. Sommaren 2005 var ho med då Noreg lukkast vinne sølv under europameisterskapen i England, Tyskland vann finalekampen i Blackburn. Frå den tid var Stensland i stendig større grad ein sentral midtbanespelar med sikker plass i den norske fyrsteellevaren.

Etter Ane Stangeland Horpestad la opp hausten 2008 var Stensland kaptein for Noreg til 2014. Ho leia landslaget til semifinale i EM 2009, der det vart tap mot europameister Tyskland. I 2013 var ho kaptein då Noreg og Tyskland møttest til EM-finale i Stockholm, atter ein gong viste dei tyske kvinnene seg for sterke. I perioden 2003-14 aksla Stensland den norske landslagstrøya 136 gongar og skåra 10 mål.

Kjelder[endre | endre wikiteksten]