International Harvester
International Harvester Company (IHC) var eit føretak som produserte landbruks- og anleggsmaskinar og lastebilar. Føretaket vart stifta i 1902 ved at to konkurerande føretak, McCormick Harvesting Machine Company og Deering Harvester Company, saman med tre mykje mindre føretak, gjekk saman til IHC. Føretaket var ein av verdas største produsentar av traktorar. Hovudkontoret låg i Chicago i USA, men føretaket hadde fabrikkar i mange land, som Frankrike, Sverige, Storbritannia og Tyskland.
