Ivar O. Sundet
| Ivar O. Sundet | |
 | |
| Statsborgarskap | Noreg |
| Fødd | 11. desember 1871 Osen |
| Død |
20. oktober 1960 (88 år) |
| Yrke | politikar, jurist |
| Politisk parti | Venstre |
| Ivar O. Sundet på Commons | |
Ivar Olaus Sundet (11. desember 1871–20. oktober 1960) var ein norsk jurist, byfut og politikar frå Osen i Sør-Trøndelag. Han representerte einmannskrinsen Kristiansund og partiet Venstre på stortinget 1916-18.
Sundet var son til ein gardbrukar. Etter folkehøgskule i Levanger vart han i 1891 student frå Hauges Minde i Kristiania. Han tok cand.jur.-eksamen i 1896 og arbeidde 1897-1900 som fullmektig hos sorenskrivarane i Moss og på Nordmøre. Frå sommaren 1900 var han sakførar i Kristiansund. I 25 samfulle år, 1917-42, var han byfut i Kristiansund, perioden 1921-29 også styrar av Noregs Bank si avdeling i byen.
Sundet hadde gjennom åra ei mengd kommunale og private verv i Kristiansund og i Møre fylke. Han var medlem i bystyret 1910-18 og 1922-31, ordførar 1913-16. Stortingsperioden 1916-18 møtte han på Stortinget som byens representant, med sete i Jarnbanekomiteen, ei strategisk plassering sidan han var med i Møre fylke sin jarnbanekomite i tida 1914-27.
Kjelder[endre | endre wikiteksten]
- Biografisk informasjon om Ivar O. Sundet NSD Norsk senter for forskningsdatas politikararkiv