Ivar Tufte

Ivar Tufte
Fødd	8. januar 1875 Hol kommune
Død	april 1962 (87 år)
Statsborgar av	Noreg
Parti	Høgre
Yrke	politikar
Alle verv	stortingsrepresentant (1931–1933) vararepresentant til Stortinget (1934–1936) vararepresentant til Stortinget (1937–1945)

Ivar Engebretsen Tufte (8. januar 1875–3. april 1962) var ein norsk postopnar, gardbrukar og politikar frå Hol i Buskerud, busett i Flå kommune. Han var stortingsrepresentant 1931-33 frå Buskerud.

Tufte var 1900-17 styrar av Flå Spareforretning og 1901-45 postopnar i Flå. 1914 kjøpte han eit gardsbruk sentralt i Flå og dreiv dette jamsides. I 1920 gjorde han opptakta til Flå Sparebank og var kasserar i banken til 1944. Han var forlikskommissær 1912-40 og formann i Flå provianteringsråd 1915-21.

Tufte var medlem i heradsstyret 1910-31, ordførar i ni år, 1920-28. Han var heradsstyremedlem på ny 1934-40. Valbolken 1931-33 representerte han Buskerud og partiet Høgre i Stortinget, og var medlem i Landbrukskomiteen. I 1945 møtte han i Stortinget som varamann.

Tufte var 1932-46 formann i Postopnernes Landsforbund og 1934-49 styreformann i Flå Kraftforsyning. I 1952 vart han tildelt Kongens fortenstemedalje i sølv. Tufte var ein «meget lun og omgjengelig mann».

Kjelder

• Drammens Tidende og Buskeruds blad, tirsdag 3. april 1962