Izvestij TSIK-øyane
Izvestij TSIK-øyane (russisk Острова Известий ЦИК; Ostrova Izvetsij TSIK) eller Izvestiaøyane er ei øygruppe som betår av to store og to små øyar i Karahavet i Russland. Ho ligg om lag 150 km nord for kysten av Sibir og berre 45 km nord for den næraste øygruppa, Arktitsjeskij Institut-øyane. Ho er dekt av tundravegetasjon, grus og is.
Den største øya heiter Trojnoj og er 27 km lang. Havet omkring Izvestij TSIK-øyane er fylt av pakkis om vintere og det er mykje is i sjøen sjølv om sommaren. Sundet mellom øyane Pologij-Sergejeva og Gavrilina vert kalla Proliv Belukha.
Øygruppa høyrer til Krasnojarsk kraj og er ein del av Det store arktiske statlege naturreservatet, det største naturreservatet i Russland.
Øyane er kalla opp etter Izvestija Tsentralnogo Ispolnitelnogo Komiteta, som var den fullstendige tittelen til avisa Izvestia.
Det ligg ein forskingsstasjon på øya Trojnoj.
Sjå òg
[endre | endre wikiteksten]Kjelder
[endre | endre wikiteksten]- Denne artikkelen bygger på «en:» frå Wikipedia på engelsk, den 29. juli 2008.
- Wikipedia på engelsk oppgav desse kjeldene:
- William Barr, Reinhard Krause og Peter-Michael Pawlik, The polar voyages of Captain Eduard Dallmann, whaler, trader, explorer 1830–96.
- Naturrresevat Arkivert 2007-10-08 ved Wayback Machine.
Bakgrunnsstoff
[endre | endre wikiteksten]- Forteljing frå ein ekspedisjon til øyane med bilete Arkivert 2008-03-12 ved Wayback Machine. (russisk)
