Jærmuseet
| Jærmuseet | |||
| Stad | Hå kommune | ||
|---|---|---|---|
 Jærmuseet 58°39′18″N 5°37′52″E / 58.655°N 5.6311111111111°E | |||
Jærmuseet er eit norsk regionmuseum for dei sju jærkommunane Randaberg, Sola, Sandnes, Gjesdal, Klepp, Time og Hå. Museet fungerer òg som regionalt vitensenter for Sørvestlandet. Jærmuseet har som føremål å dokumentera og formidla den nyare historia til regionen, medan vitensentera har som oppgåve å stimulera interesser for naturvitskap og teknologi.[1] Totalt har Jærmuseet kring 200 000 besøkande i året.[1]
Jærmuseet vart stifta i 1985,[2] med hovudkontor på Kvia ved Nærbø på Jæren. Det gjev ut årboka Sjå Jæren.
Jærmuseet er ei stifting som er oppretta av jærkommunane Sandnes, Sola, Randaberg, Hå, Klepp, Time og Gjesdal.
Avdelingar
[endre | endre wikiteksten]- Vitenfabrikken i Sandnes, eit vitensenter med fokus på realfag.
- Vitengarden på Kvia i Hå, eit vitensenter med fokus på landbruk og natur.
- Garborgsenteret på Bryne i Time, ein formidlingsarena for litteraturen, visjonane og livet til forfattarane Arne Garborg og Hulda Garborg.
- Garborgheimen, Arne Garborg sin barndomsheim, på Garborg i Time.
- Knudaheio på Undheim i Time, Arne Garborg si skrivestove.
- Tungenes fyr i Randaberg, bevart slik det var på 1930-talet.
- Flyhistorisk museum på Sola.
- Grødalandstunet i Hå, ein av dei best bevarte sjøgardane i Rogaland.
- Vistnestunet i Randaberg, kommunens best bevarte gardsmiljø frå slutten av 1800-talet.
- Limagarden på Ålgård i Gjesdal, eit gardstun med bygningar frå perioden 1800–1939.
- Haugabakka på Kleppe i Klepp, bygdemuseum.
- Varden Sjøredningsmuseum på Ogna i Hå, eit sjøredningsmuseum.
- Science Circus, vitensenter på hjul.
Leiing
[endre | endre wikiteksten]Administrerande direktør
[endre | endre wikiteksten]- 1986–2022: Målfrid Snørteland[3][2]
- 2022–: Atle Fiskå[2]
Sjå òg
[endre | endre wikiteksten]- Krigshistorisk museum på Sola, om livet og kvardagen under 2. verdskrigen.
Kjelder
[endre | endre wikiteksten]- 1 2 «Om Jærmuseet». Jærmuseet. Henta 2026-07-15.
- 1 2 3 Bjørnevik, Åge (2022-05-31). «I 36 år leia ho Jærmuseet. Tysdag hadde Målfrid siste arbeidsdag». Jærbladet (på norsk). Henta 2026-07-15. «Sidan starten av februar har Målfrid Snørteland hatt overlapping med den nye direktøren, Atle Fiskå. [---].Tett på 36 år har gått sidan etnologen frå Karmøy kom inn som første leiar – og tilsett nummer to – sommaren 1986. | Dei siste to månadane har ho ikkje vore direktør, den stillinga gjekk vidare til Atle Fiskå frå 1. april. Og tysdag var det heilt slutt. Målfrid Snørteland gjekk av for aldersgrensa på 70 år»
- ↑ Aftenblad, Foto: Pål Christensen / Stavanger (2022-06-05). «Helgeintervjuet: Ho var sjef i 36 år og skapte noko av det beste i Europa». www.aftenbladet.no (på norsk bokmål). Henta 2026-07-15. «Målfrid Snørteland (f. 1952). Jærmuseets direktør gjennom 36 år blei denne veka pensjonist.»
Bakgrunnsstoff
[endre | endre wikiteksten]
 |