Jacqueline Smith

Frå Wikipedia – det frie oppslagsverket
Hopp til navigering Hopp til søk
For den britiske politikaren Jacqueline («Jacqui») Smith, sjå Jacqui Smith.
Jacqueline Smith
Jacqueline Smith 2009.jpg
Fødd 20. februar 1971
Wyoming
Yrke fagforeiningsleiar

Jacqueline Smith (fødd 20. februar 1971) er ein norsk organisasjonsleiar. Ho er fødd i Wyoming i USA og vart i 2006 vald av landsmøtet i Norsk Sjømannsforbund som første kvinnelege leiar av forbundet, og den yngste leiaren i forbundshistoria.

Smith blei fødd i Wyoming i USA med vietnamesisk-amerikansk mor og norsk far. Familien flytta til Stavanger då ho var ni, og nokre år seinare til Asker. Etter å ha tatt ex.phil og 1. avdeling jus gjekk ho til sjøs.[1]

Etter åtte år til sjøs som croupier på passasjerskip i Color Line, dei fleste som tillitsvald for casinopersonalet om bord, vart Jacqueline Smith i 1998 vald som varamedlem til landsstyret i Norsk Sjømannsforbund. Kort tid etter vart ho tilboden stilling som assistent for kontorleiaren ved spesialkontoret for cruisebransjen som forbundet har i Miami. Ved neste landsmøte, i 2002, vart Jacqueline Smith vald til forbundssekretær, éin av fem i den valde leiinga ved hovudkontor til Norsk Sjømannsforbund, før ho i 2006 vart vald til forbundsleiar.

Smith tok ikkje attval i 2014, men heldt fram sitt fagforeiningsarbeid internasjonalt gjennom at ho overtok stillinga som maritim koordinator i Den Internasjonale Transportarbeidarføderasjonen.

Kjelder[endre | endre wikiteksten]

  1. Grande, Toril (21. oktober 2006). «Smith o'hoi». Dagbladet. Henta 9. november 2017. 

Bakgrunnsstoff[endre | endre wikiteksten]