James Alexander
| James Alexander | |||
| Fødd | 1949 (75 år) | ||
|---|---|---|---|
| Fødestad | Memphis | ||
| Opphav | USA | ||
| Instrument | gitar | ||
| Verka som | musikar | ||
James Alexander (fødd 1948) er ein amerikansk soul- og R&B-musikar. Han har lenge vore medlem av bandet The Bar-Kays, der han spelar bassgitar. Han er òg far til den kjende hip-hop- og R&B-produsenten Phalon «Jazze Pha» Alexander, som han kalla opp etter bestevenen og det tidlegare medlemmet i Bar-Kays, Phalon Jones.
James Alexander var bassisten i The Bar-Kays då fire av seks bandmedlemmar, inkludert Jones, omkom i same flystyrten som tok livet av den kjende soulartisten Otis Redding. Alexander var det einaste Bar-Kays-medlemmet som ikkje var ombord på flyet, som Redding eigde, då det berre hadde plass til åtte personar. Det var Alexander sin tur til å fly kommersielt til målet deira. Alexander vart beden om å identifisere lika av bandkollegaene sine, inkludert Redding sitt.
Etter styrten arbeidde Alexander og Ben Cauley, den einaste overlevande etter flystyrten, saman vidare for å starte opp att bandet. Dei spelte mellom anna på kjenningsmelodien frå filmen Shaft frå 1971, der Alexander spelte bass. I nyare år har Alexander framleis spelt med Bar-Kays.
Kjelder
[endre | endre wikiteksten]- Denne artikkelen bygger på «James Alexander (musician)» frå Wikipedia på engelsk, den 16. august 2016.