Jan Rasmussen Sande

Frå Wikipedia – det frie oppslagsverket
Hopp til navigering Hopp til søk
Jan Rasmussen Sande
Fødd 18. juli 1760
Nøtterøy
Død

11. januar 1847
Nøtterøy

Yrke sjøfolk, bonde, politikar

Jan Rasmussen Sande (18. juli 176011. januar 1847) var ein norsk sjømann, gardbrukar og stortingsmann frå Nøtterøy i Vestfold.

Far hans var leiglending på garden Sande i Nøtterøy. Sjølv tok han styrmannseksamen i Tønsberg og sigla omkring 1780 som skipper på «Frederikke Sofie» av Nøtterøy. Skipet vart kapra og brent av franskmenn, Frankrike låg då i krig med England. Sande sat deretter i fangenskap i Frankrike i tre år. Sigla som sjømann i mange år. På 1790-talet overtok han farsgarden Sande og dreiv denne, men heldt i mange år og fram som skipper.

Sande var 1. representant for Jarlsberg grevskapStortinget i 1821 og på omframstortinget 1822. I 1821 var han medlem av fire komitear, mellom dei var konstitusjonskomiteen, flaggkomiteen, og om navigasjonseksamen i Fredriksvern. Han var i 1821 mellom dei som leverte teikning til eit norsk flagg. Sande skal ha kunne ti ulike språk, mellom dei gresk og latin.

Han døydde 1847 på garden sin i Nøttterøy.

Kjelder[endre | endre wikiteksten]