Jarama

Frå Wikipedia – det frie oppslagsverket
Jarama
elv
Jarama i Titulcia
Land  Spania
Nedslagsfelt 5 047 km²
Lengd 190 km
Middelvassføring 31,7 /s
Kjelde Sierra de Ayllón
 - høgd 2 119 moh.
Munning Tajo
 - høgd 494 moh.
Kart
Jarama
41°9′58″ N 3°32′18″ W
Wikimedia Commons: Jarama River

Jarama er ei elv sentralt i Spania og ei av sideelvane til Tajo. Ho renn frå nord til sør og passerer aust for Madrid. Ho munnar ut i Tajo i Aranjuez. Manzanares er ei av sideelvane til Jarama.

Den spanske borgarkrigen[endre | endre wikiteksten]

Under den spanske borgarkrigen ved Paracuellos del Jarama vart om lag 1000 fascistfangar drepne av den republikanske militsen under slaget ved Madrid (8.-9. november 1936). Det er omstridd om Santiago Carrillo, kommunistleiaren i Madrid, gav ordre om desse avrettingane eller ikkje, sjølv om dei vart utført under hans leiing.[1][2]. Han har sidan nekta for dette.[3].

Jarama var åstad for intense kampar under slaget ved Jarama i 1937. Nasjonaliststyrkar kryssa elva i eit forsøk på å avskjere hovudvegen mellom Madrid og Valencia og isolere den republikanske hovudstaden. Nasjonaliststyrkane leia av den spanske framandlegionen og marokkanske soldatar (Regulares) i den afrikanske armeen vart møtt av styrkar frå Republikken, inkludert den 15. internasjonale brigaden. Den 15. brigaden bestod av både britiske og amerikanske frivillige. Trass store tap klarte republikanarane å stoppe nasjonalistane like før dei nådde målet sitt. Det følgde ein periode med skyttargravskrig før fronten stabiliserte seg. Slaget kosta begge sider totalt opp mot 45 000 liv.

Kjelder[endre | endre wikiteksten]

  1. Ian Gibson, «Paracuellos. Cómo fue». 1983, Plaza y Janés. Barcelona.
  2. César Vidal Manzanares, «Paracuellos-Katyn: Un ensayo sobre el genocidio de la izquierda». 2005, Libroslibres ISBN 84-96088-32-4
  3. Entrevista con Santiago Carrillo. elmundo.es. 24. november 2000.