Jaraslaw Ramantsjuk
| Jaraslaw Ramantsjuk | |
 | |
| Fødd | 10. januar 1966 |
|---|---|
| Parti | United Civic Party of Belarus |
Jaraslaw Tsjeslavavitsj Ramantsjuk, kviterussisk Яраслаў Чэслававіч Раманчук, russisk Jaroslav Tsjeslavovitsj Romantsjuk (fødd 10. januar 1966 i Sopotskin i Hrodna-provinsen) er ein kviterussisk politikar og økonom, og nestleiar i Det sameinte borgarpartiet. Han var kandidat ved presidentvalet i Kviterussland i 2010, og kom på tredjeplass ifølgje dei offisielle valresultata.
Ramantsjuk vart utdanna økonom i Minsk. Frå 1990 til 1997 jobba han som lærar, journalist, direktør og analytikar. 1995-96 jobba han som spesialist for det kviterussiske parlamentet sin komité for økonomisk politikk og reformer. Som økonom høyrer han til den liberalistiske såkalla austerrikske skulen.[1] Frå april 2000 har han vore nestleiar i Det sameinte borgarpartiet (Abjadnanaja hramadzianskaja partyja), med særskilt ansvar for internasjonale forhold, økonomi og utvikling. Han var kandidat ved parlamentsvalet i 2008 for Dei sameinte demokratiske kreftene, men vart ikkje valt inn.[2]
31. mai 2010 vart han utpeika som Det sameinte borgarpartiet sin kandidat ved presidentvalet i Kviterussland i desember 2010.[3] Ifølgje dei offisielle valresultata kom han på tredje plass med 2,0 % av røystene, men valet vart ikkje rekna som fritt og rettferdig av internasjonale observatørar. Kvelden etter valet vart det opptøyar i sentrum av Minsk i protest mot valresultatet. Ramantsjuk tok avstand frå demonstrasjonane og kritiserte dei andre opposisjonskandidatane for å ha sett menneskeliv i fare. Han fekk hard kritikk for dette frå resten av opposisjonen. Den tidlegare presidenten Stanislav Sjusjkevitsj skulda Ramantsjuk for å ha svike opposisjonen.
Kjelder[endre | endre wikiteksten]
- Denne artikkelen starta med ei omsetjing frå russisk wikipedia 11. mars 2011.
