Jean de Reszke
| Jean de Reszke | |||
 | |||
| Fødd | 14. januar 1850 | ||
|---|---|---|---|
| Fødestad | Warszawa | ||
| Død | 3. april 1925 (75 år) | ||
| Dødsstad | Nice | ||
| Fødenamn | Jan Mieczysław Reszke | ||
| Opphav | Polen, Frankrike, Det russiske imperiet | ||
| Aktiv | 1874–1925 | ||
| Sjanger | opera | ||
| Instrument | piano, vokal | ||
| Stemmetype | tenor, baryton | ||
| Verka som | operasongar, pianist | ||
| Mor | Emilia Ufniarska | ||
| Far | Jan Reszke | ||
| Gift med | Marie de Goulaine | ||
Jean de Reszke, eigentleg Jan Mieczysław Reske, (fødd 14. januar 1850 i Warszawa, død 3. april 1925 i Nice), var ein polsk tenor og pianist som for det meste verka i Frankrike.
Biografi
[endre | endre wikiteksten]
Reszke utdanna seg til songar i Italia og debuterte i 1874 i Venezia som Alfonso i Leonora. Etter det opptredde han i fleire år i Paris og London. Under fortsette songstudium endra han barytonrøysta si til ein glansfull tenor. Reszke var 1885-89 tilsett ved operaen i Paris. Sidan opptredde han i mange år som gjest både der, i London, og i St. Petersburg. I åra 1893-99 var han kvart år i New York og song på Metropolitan-operaen. Han vart hylla som si tids fremste operatenor, ein verkeleg songkunstnar.
I 1904 tok han avskil frå scena og verka sidan som songlærar i Paris. Mellom elevane hans var den norske tenoren Erling Krogh.
Fremste rolletolkingar
[endre | endre wikiteksten]Mellom hans roller kan nemnast Raoul i Hugenottene, Profeten, Vasco da Gama i Afrikanerinnen, Romeo, Faust, Cid, Radamés i Aida, Otello, Pajazzo i tillegg til wagnerrollene Tannhäuser, Lohengrin, Walther von Stolzing, Siegfried og Tristan