Jeanne d'Arc av Tangerine Dream

Jeanne d'Arc Studioalbum av Tangerine Dream
Utgjeve	September 2005
Innspelt	Juni 2005
Sjanger	elektronisk ambient
Lengd	1:19:16
Selskap	TDI/Eastgate
Produsent	Edgar Froese
Tangerine Dream-kronologi
Kyoto (2005)	Jeanne d'Arc	Rocking Mars (2005)

Jeanne d'Arc er det 92. albumet totalt og det 32. studioalbumet til den tyske electronicagruppa Tangerine Dream, utgjeven i september 2005.

Om ein ser bort frå Dante-trilogien, Dream Mixes-serien og arkivutgjevingar, var dette det første ordentlege studioalbumet til Tangerine Dream sidan Mars Polaris i 1999. Det var òg det første albumet med det nye bandmedlemmet Thorsten Quaeschning, og for første gongen sidan 1990 hadde bandet tre komponistar, i tillegg til Edgar Froese og sonen Jerome Froese. Quaeschning hadde alt arbeidd med bandet i fleire år som lydteknikar, i tillegg til at han arbeidde med Edgar Froese på soloalbuma hans. Froese sa i eit intervju i 2014 at sonen og Quaeschning ikkje gjekk så godt i lag og at det var årsaka til at sonen slutta i gruppa i 2006, medan Quaeschning fortsette.

På liknande vis som Mars Polaris presenterte Tangerine Dream det nye studioalbumet sitt på to konsertar i Berlin i juli 2005.

I mars 2009 kom albumet ut på ny med nytt plateomslag.

Innhald

Nr.	Tittel	Lengd
1.	«La vision»	12:19
2.	«La joie»	5:16
3.	«La force du courage»	8:37
4.	«La solitude dans l'espoir»	7:32
5.	«La marche»	8:36
6.	«La sagesse du destin»	7:58
7.	«Le combat du sang»	10:17
8.	«Le combat des épées»	14:02
9.	«La libération»	4:39

Medverkande

• Edgar Froese – klaverinstrument
• Jerome Froese – klaverinstrument
• Thorsten Quaeschning – klaverinstrument, elektroniske trommer
• Iris Camaa - perkusjon
• Linda Spa - saksofon, fløyte