Jektvika i Rødøy

Jektvika
stad
Land	Noreg
Fylke	Nordland
Kommune	Rødøy
Postnummer	8187 JEKTVIK
Preposisjon	i Jektvika
Jektvika 66°37′0″ N 13°18′0″ E

Jektvika eller Jektvik er ei bygd og ein ferjestad som ligg langs kystriksvegen på sørsida av fjorden Værangen i Rødøy kommune i Nordland. Bygda er eit knutepunkt som ligg sentralt i kommunen, og har eigen barnehage og skule, grendehus og kafé. Bygda har òg eigen butikk. Denne gjekk konkurs i 2009, men skifte eigar og starta så opp att.

Når ein køyrer langs kystriksvegen er ein avhengig av ferja Jektvik-Kilboghamn for å koma seg vidare, så denne ferjestrekninga kan vera sterkt trafikkert sommarstid. Ferja kan òg leggja til kai ved Bygda Sørfjorden på denne overfarten. Jektvik har òg ferjesamband til diverse øyar i kommunen; det går nesten dagleg ferje til Gjerøya, Rødøy, Selsøyvik, Storselsøy og Nordnesøy herifrå.

Bakgrunnsstoff

• Nettsidene til Rødøy Kommune.
• Rutetidene til Torghatten Nord frå Jektvik.
• Heimesida til Jektvik Skole Arkivert 2010-03-06 ved Wayback Machine.