Jelena Prokhorova

Jelena Prokhorova
Statsborgarskap	Sovjetunionen, Russland
Fødd	16. april 1978 (46 år) Kemerovo
Idrett	friidrett
Tok del i	Sommar-OL 2004, Sommar-OL 2000
Utmerkingar	Venskapsordenen

Jelena Vladimirovna Prokhorova (fødd 16. april 1978) er ein russisk tidlegare mangekjempar frå Kemerovo som vart verdsmeister i sjukamp i 2001 og tok OL-sølv i øvinga året før.

Aktiv

Den 23. juli 2000 avslutta Prokhorova sitt livs beste sjukamp i Tula, der ho sanka 6 765 poeng. Under sommarleikane i Sydney to månader seinare tok ho sølvmedalje i sjukampen, 53 poeng bak britiske Denise Lewis og 4 poeng framom Natallja Sasanovitsj frå Kviterussland.

I verdsmeisterskapen 2001 i Edmonton var Prokhorova i ei klasse for seg, med 6 694 poeng var ho over 150 poeng betre enn Sasanovitsj på andreplassen. Derimot var Prokhorova sjanselaus på å forsvare VM-tittelen i sjukamp i 2003, ho enda då fjerdeplass, over 70 poeng bak bronsevinnar Sananovitsj og meir ein 500 poeng bak verdsmeister Carolina Klüft frå Sverige.

Doping

Etter å ha testa positivt på bruk av forbodne midlar, var ho av Det internasjonale friidrettsforbundet utestengd frå tevlingar i 1 år frå oktober 2005.

Medaljar og plasseringar i internasjonale meisterskap

• OL 2000 i Sydney: Sølvmedalje – 6 531 poeng, bakom Denise Lewis (6 584)
• VM 2001 i Edmonton: Gullmedalje – 6 694 poeng, framom Natallja Sazanovitsj (6 539)
• VM 2003 i Paris: Nr 4 – 6 452 poeng
• OL 2004 i Aten: Nr 5 – 6 289 poeng

Kjelder

• Denne artikkelen bygger på «Jelena Wladimirowna Prochorowa» frå Wikipedia på tysk, den 8. juni 2018.